श्लोक 1
श्रीरामचन्द्र कृपालु भजु मन हरण भवभय दारुणम् । नवकंज लोचन कंज मुख कर कंज पद कंजारुणम् ॥
A prayer to Lord Rama from Tulsidas's Vinaya Patrika, in highly Sanskritised Avadhi. It is the standard evening stuti in many homes and temples, and is usually followed by a few lines from the Ramcharitmanas about Sita's prayer to Gauri.
तुलसीदास जी की विनय पत्रिका से श्रीराम की स्तुति, संस्कृतनिष्ठ अवधी में। अनेक घरों और मंदिरों में यह संध्या की नियमित स्तुति है, और इसके बाद प्रायः रामचरितमानस से सीता जी की गौरी-पूजा की कुछ पंक्तियाँ गाई जाती हैं।
श्रीरामचन्द्र कृपालु भजु मन हरण भवभय दारुणम् । नवकंज लोचन कंज मुख कर कंज पद कंजारुणम् ॥
कंदर्प अगणित अमित छवि नव नील नीरद सुन्दरम् । पट पीत मानहुँ तड़ित रुचि शुचि नौमि जनक सुतावरम् ॥
भजु दीनबंधु दिनेश दानव दैत्य वंश निकन्दनम् । रघुनंद आनँद कंद कोशल चन्द दशरथ नन्दनम् ॥
सिर मुकुट कुंडल तिलक चारु उदार अंग विभूषणम् । आजानु भुज शर चाप धर संग्राम जित खरदूषणम् ॥
इति वदति तुलसीदास शंकर शेष मुनि मन रंजनम् । मम हृदय कंज निवास कुरु कामादि खलदल गंजनम् ॥
मनु जाहिं राचेउ मिलिहि सो बरु सहज सुंदर साँवरो । करुना निधान सुजान सीलु सनेहु जानत रावरो ॥
एहि भाँति गौरि असीस सुनि सिय सहित हियँ हरषीं अली । तुलसी भवानिहि पूजि पुनि पुनि मुदित मन मंदिर चली ॥
जानि गौरि अनुकूल सिय हिय हरषु न जाइ कहि । मंजुल मंगल मूल बाम अंग फरकन लगे ॥